ਇਤਿਹਾਸ ਵਿਚ ਅੱਜ ਦਾ ਦਿਹਾੜਾ 19 ਦਸਬੰਰ

1924 ਬੱਬਰ ਸਦਾ ਸਿੰਘ ਪਿੰਡੋਰੀ ਨੇ ਜੇਲ੍ਹ ਵਿੱਚ ਸ਼ਹਾਦਤ ਕਬੂਲ ਕੀਤੀ। 1967 ਪੰਜਾਬੀ ਬਿੱਲ ਪੰਜਾਬ ਅਸੈਂਬਲੀ ਦੁਆਰਾ ਪਾਸ ਕੀਤਾ ਗਿਆ। 1967 ਵਿੱਚ ਪੰਜਾਬ ਰਾਜ ਭਾਸ਼ਾ ਐਕਟ-5 ਹੋਂਦ ਵਿੱਚ ਆਇਆ। ਇਸ ਐਕਟ ਤਹਿਤ ਗੁਰਮੁਖੀ ਲਿਪੀ ਵਿਚ ਪੰਜਾਬੀ ਨੂੰ ਪੰਜਾਬ ਦੀ ਰਾਜ ਭਾਸ਼ਾ ਕਰਾਰ ਦਿੱਤਾ ਗਿਆ। ਪੰਜਾਬ ਸਰਕਾਰ ਨੇ 30 ਦਸੰਬਰ 1967 ਨੂੰ ਨੋਟੀਫੀਕੇਸ਼ਨ ਨੰਬਰ 4629-1, ਭਾ 67/3342 ਜਾਰੀ ਕਰ ਕੇ, 1 ਜਨਵਰੀ 1968 ਨੂੰ ਪੰਜਾਬੀ ਵਿੱਚ ਜ਼ਿਲ੍ਹਾ ਅਤੇ ਹੇਠਲੀ ਪੰਧਰ ਉੱਤੇ ਰਾਜ ਪ੍ਰਬੰਧ ਵਿੱਚ ਪੰਜਾਬੀ ਦੀ ਵਰਤੋਂ ਕਰਨ ਦੀ ਹਿਦਾਇਤ ਕੀਤੀ ਅਤੇ ਨੋਟੀਫੀਕੇਸ਼ਨ ਨੰਬਰ 361-1, ਭਾ/68/661 ਮਿਤੀ 9 ਫਰਵਰੀ 1968 ਰਾਹੀ ਜਾਰੀ ਕਰ ਕੇ, 13 ਅਪ੍ਰੈਲ 1968 ਤੋਂ ਪੰਜਾਬ ਵਿੱਚ ਰਾਜ ਪੱਧਰ ਉੱਤੇ ਰਾਜ ਪ੍ਰਬੰਧ ਵਿੱਚ ਪੰਜਾਬੀ (ਗੁਰਮੁਖੀ ਲਿਪੀ) ਦੀ ਵਰਤੋਂ ਦੀ ਹਿਦਾਇਤ ਕੀਤੀ।