ਇਤਿਹਾਸ ਵਿਚ ਅੱਜ ਦਾ ਦਿਹਾੜਾ 30 ਦਸਬੰਰ

1734 ਮਾਤਾ ਸਾਹਿਬ ਕੌਰ ਜੀ ਨੇ ਭਾਈ ਮਨੀ ਸਿੰਘ ਜੀ ਲਈ ਹੁਕਮਨਾਮਾ ਭੇਜਿਆ। 1733 ਦੀ ਵਿਸਾਖੀ ਨੂੰ, ਦਿੱਲੀ ਵਿਖੇ ਮੁਗਲ ਹਕੂਮਤ ਤੋਂ ਆਗਿਆ ਲੈ ਕੇ, ਦੁਸ਼ਟ ਜ਼ਾਲਮ ਜ਼ਕਰੀਆ ਖਾਨ ਨੇ, ਸਰਦਾਰ ਸੁਬੇਗ ਸਿੰਘ ਦੁਆਰਾ, 'ਨਵਾਬ' ਦਾ ਖਿਤਾਬ ਲਿਖ ਕੇ ਪੇਸ਼ ਕੀਤਾ ਅਤੇ ਖਾਲਸਾ ਪੰਥ ਨੂੰ ਜ਼ਮੀਨ ਦੀ ਜਾਗੀਰ-ਦਾਤ ਭੇਜੀ। ਖਾਲਸਾ ਪੰਥ ਦੀ ਮੁਲਾਕਾਤ ਹੋਈ ਅਤੇ ਗੁਰਮੱਤ ਰਾਹੀਂ ਨਵਾਬੀ ਸਰਦਾਰ ਕਪੂਰ ਸਿੰਘ ਨੂੰ ਪੰਥ ਦੀ ਸੇਵਾ ਲਈ ਸੌਂਪ ਦਿੱਤਾ। ਉਸ ਸਮੇਂ ਪੰਥ ਦੇ ਜਥੇਦਾਰ ਸ੍ਰੀ ਦਰਬਾਰਾ ਸਿੰਘ ਸਨ। 1734 ਵਿਚ, ਸ੍ਰੀ ਦਰਬਾਰਾ ਸਿੰਘ ਦੇ ਅਕਾਲ ਚਲਾਣੇ ਤੋਂ ਬਾਅਦ, ਸ੍ਰੀ ਕਪੂਰ ਸਿੰਘ ਜੀ ਨਵਾਬ ਨੂੰ ਸਿੱਖ ਕੌਮ/ਪੰਥ ਦਾ ਜਥੇਦਾਰ ਨਿਯੁਕਤ ਕੀਤਾ ਗਿਆ। ਨਵਾਬੀ ਦਾ ਅੰਤ 1735 ਵਿਚ ਹੋਇਆ, ਜਦੋਂ ਜ਼ਾਲਮ ਮੁਗਲਾਂ ਨੇ ਸਿੱਖਾਂ ਦੇ ਵਿਰੁੱਧ ਆਪਣੇ ਕਤਲੇਆਮ ਅਤੇ ਜ਼ੁਲਮ ਨੂੰ ਵਧਾ ਦਿੱਤਾ। 1922 ਜੱਸੋਵਾਲ ਵਿਖੇ ਬੱਬਰਾਂ ਦੀ ਦੂਜੀ ਮੀਟਿੰਗ, 20-31 ਦਸੰਬਰ, ਝੋਲੀਚੁੱਕਾਂ ਦੇ ਸੁਧਾਰ ਦਾ ਫੈਸਲਾ ਕਰਨ ਲਈ।